我想問你一個問題：「傾偈」係你生活之中係常態活動嗎？
我今日同我男朋友講咗一句說話：「好辛苦啊！好耐冇拍過拖，好耐冇坐埋一齊傾過計啦」
跟住佢嘅反應令我覺得好好笑，佢同我講話：「傾偈？對我來講傾偈就好似去公園跳繩咁，好似係一樣好刻意做嘅動作，我覺得特登要傾偈好奇怪。」
但係其實對我來講，傾偈只不過係樣好自然嘅嘢，唔需要刻意做可以隨時喺生活之中做緊其他活動嘅時候開始傾偈呢個動作，例如一邊煮飯一邊傾偈，
一邊散步一邊傾偈，一邊搭車一邊傾偈，一邊行路一邊傾偈，傾偈其實就係生活裏面嘅一部份，唔需要刻意去做，如果要刻意去做，可能就係因為你唔夠鍾意傾偈令到你覺得呢樣野係要刻意做嘅嘢，而唔係自自然然可以開始嘅嘢。
英文裏面，一個人傾偈叻，對話叻，我哋可以話佢係一個good conversationalist，就或者係因為我喺屋企裏面，大家都算係一個好嘅conversationalist，所以我培養左傾偈嘅習慣。
如果真係生係一個冇乜聲音，冇乜對話嘅屋企，其實都可以透過不斷去睇唔同嘅劇，不斷去鑽研對話嘅藝術，去變得鍾意傾偈、傾偈叻嘅。
所以唔好因為自己嘅「出身」而灰心同放棄呀。
Search